Viðskipti innlent

Allt nema sinna skólabók

fimbulfambsfólk Hugmyndin kviknaði í góðri vísindaferð og dró heldur betur dilk á eftir sér.
fimbulfambsfólk Hugmyndin kviknaði í góðri vísindaferð og dró heldur betur dilk á eftir sér. vísir/andri marinó
„Þetta gerðist eiginlega í einni góðri vísindaferð,“ segir Benjamín Björn Hinriksson einn þeirra fjögurra sem mynda Ludis. Hópurinn samanstendur af þeim Grími Kristinssyni, Steinunni Mörtu Friðriksdóttur, Matthíasi Skildi Sigurðssyn og honum sjálfum. Lágu leiðir þeirra saman í Háskólanum í Reykjavík þar sem öll eru á lokaári í tölvunarfræði við skólann.

„Allt hefur gerst fremur hratt og við erum eiginlega ekki farin að trúa enn að við skulum hafa komist inn í verkefnið,“ segir Björn. Aðspurður um tilkomu hugmyndarinnar segir Björn: „Maður er náttúrulega alltaf að leita að ástæðu til að sinna skólabókunum ekki þegar maður á að vera að því. Eftir að hafa setið tímunum saman í fyrir framan myndvarpa, skaut þessi hugmynd upp kollinum.“

Ludus verkefnið snýst út á að nútímavæða borðspil og er snjallsíminn hugsaður sem stjórntæki meðan sjónvarpið gegnir hlutverki spilaborðsins. Úr varð að hópurinn hefur undanfarið lagt nótt við dag til að búa til virkan leik, og hefur borðspilið Fimbulfamb verið þeirra helsta fyrirmynd. „Borðspilin eru svo fyrirferðamikil og okkur langaði að spila saman án þess að hafa of mikið fyrir því,“ segir Björn og skellir uppúr.

Ekki kom annað til greina en að koma Fimbulfambi að, en spilið er í uppáhaldi meðal meðlima hópsins. „Draumurinn yrði að skapa markaðstorg fyrir borðspil, en að okkur vitandi er það ekki til í heiminum í dag. Það yrði því frábært að komast í samstarf við eitthvert fyrirtæki sem sinnir borðspilabransanum.“

Startup Reykjavík stendur nú sem hæst, þar sem utanumhald fyrir unga frumkvöðla til að koma hugmyndum sínum í verk er i brennidepli. Um ræðir samstarf Arion banka og Klak innovit, en tíu verkefni eru valin ár hvert til að taka. Að loknum undirbúningi, fræðslu og framkvæmd eru verkefnin kynnt fjárfestum.


Tengdar fréttir






Fleiri fréttir

Sjá meira


×