FIMMTUDAGUR 8. DESEMBER NÝJAST 23:55

Kona hljóp 25 kílómetra á rangri leiđ í maraţoni

FRÉTTIR

Allar helgar bókađar undir brúđkaup í sumar

 
Innlent
07:00 19. JANÚAR 2016
Allar helgar eru bókađar undir brúđkaup í Dómkirkjunni í sumar. Suma daga verđa fjögur brúđkaup í kirkjunni og margir farnir ađ huga ađ 2017.
Allar helgar eru bókađar undir brúđkaup í Dómkirkjunni í sumar. Suma daga verđa fjögur brúđkaup í kirkjunni og margir farnir ađ huga ađ 2017. FRÉTTABLAĐIĐ/DANÍEL

Örfá pláss eru eftir í Dómkirkjunni í Reykjavík fyrir brúðkaup í sumar. Tilvonandi brúðhjón eru nú þegar farin að bóka athafnir árið 2017.

„Ég er búin að vera hér í fjögur ár og mér finnst að kirkjubrúðkaupum sé að fjölga allt árið. Um síðustu helgi voru tvö brúðkaup,“ segir Hrafnhildur Helgadóttir, kirkjuvörður í Dómkirkjunni.

Hún segir að marga laugardaga séu fjögur brúðkaup sama daginn. Að minnsta kosti einn og hálfur tími líður á milli athafna. „Ef fólk er með fyrir fram mótaðar hugmyndir og vill láta alla drauma rætast, og Dómkirkjan er þar á meðal, þá myndi ég ekki draga það að bóka.“


Sveinn Valgeirsson, dómkirkjuprestur
Sveinn Valgeirsson, dómkirkjuprestur

Sautjándi júní er á föstudegi í ár svo tvö brúðkaup fara fram í kirkjunni fimmtudaginn 16. júní. Hátíðisdagar á borð við þjóðhátíðardaginn og menningarnótt gera brúðhjónum erfitt fyrir. Hrafnhildur nefnir meðal annars Druslugönguna í því samhengi. „Við viljum ekki að það komi truflun frá Austurvelli en núna er ansi mikið að gera á Austurvelli á laugardögum. Okkar draumur er að fólk færi sig á Ingólfstorg eða í Hljómskálagarðinn.“

Séra Sveinn Valgeirsson dómkirkjuprestur segir að álagið sé ekki svo mikið á prestana tvo sem þjóna við kirkjuna. Brúðhjón velji sér alla jafna prest sjálft og komi með hann.  Hann segir að svo virðist sem margir eigi tengingu við kirkjuna. „Þó sóknarvitundin sé ekki meiri þar en annars staðar þá er hún frekar áberandi kirkja á hátíðardögum. Hún er falleg og ákveðin höfuðkirkja.“

Hann segir að þrátt fyrir að rannsóknir sýni minnkandi kirkjusókn og trúrækni Íslendinga þá sé fátt sem stoppi þá í að láta pússa sig saman í kirkju. „Mér finnst ósköp vænt um það að þegar kemur að þessu þá séu hefðirnar sterkar í fólki og það vilji sækja í kirkju til að fá þessa blessun. En þú sérð þetta frekar í tónlistarvalinu. Fólk vill fá lög sem það tengir meira við en sálma. Það er bara tíðarandinn. Ég hef aldrei orðið var við að fólk vilji vera laust við blessun og fyrirbænir.“ 


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Allar helgar bókađar undir brúđkaup í sumar
Fara efst