Viðskipti innlent

Álits EFTA verður ekki leitað í Aserta-málinu

Bjarki Ármannsson skrifar
Frá þingfestingu málsins í fyrra.
Frá þingfestingu málsins í fyrra. Vísir/Stefán
Hæstiréttur staðfesti í dag úrskurð héraðsdóms í Aserta-málinu svokallaða, þar sem kröfu verjanda um að leitað yrði ráðgefandi álits EFTA-dómstólsins um atriði í tengslum við rekstur málsins var hafnað.

Sérstakur saksóknari höfðaði málið gegn fyrrum handboltamanninum Markúsi Mána Michaelssyni og þremur öðrum sem gefið var að sök að hafa gróflega brotið gegn gjaldeyrislögum. Málinu var upphaflega vísað frá í Héraðsdómi Reykjaness, en þeirri ákvörðun var áfrýjað til Hæstaréttar sem úrskurðaði að málið skyldi tekið fyrir að nýju.

Í staðfestingu Hæstaréttar segir að svör EFTA-dómstólsins við þeim spurningum sem sakborningarnir vilja fá svarað „gætu ekki haft áhrif við úrlausn sakamálsins.“ 


Tengdar fréttir

Gætu verið dæmdir í allt að tveggja ára fangelsi

Fjórmenningarnir sem eru ákærðir fyrir meiriháttar brot gegn lögum um gjaldeyrisviðskipti, geta átt von á allt að tveggja ára fangelsi verði þeir fundnir sekir um að hafa brotið lögin.

Grunur um 13 milljarða gjaldeyrissvik - fjórir í haldi

Efnahagsbrotadeild Ríkislögreglustjóra framkvæmdi húsleitir í dag í máli sem tengjast grun um brot á skilaskyldu gjaldeyris. Fjármálaeftirlitið kærði málið til lögreglu og tóku 30 starfsmenn þátt í húsleitunum. Fyrirtækið sem um ræðir er skráð í Svíþjóð og heitir Aserta. Þetta kom fram á blaðamannafundi sem haldinn var í dag hjá Ríkislögreglustjóra.

Aserta-málið verður tekið efnislega fyrir

Hæstiréttur sneri í dag við frávísun Héraðsdóms Reykjaness í Aserta-málinu svokallaða þar sem Karli Löve Jóhannssyni, Gísla Reynissyni, Markúsi Mána Michaelssyni Maute og Ólafi Sigmundssyni er gefið að sök að hafa brotið gjaldeyrislög.

Markús Máni Michaelsson á meðal þeirra grunuðu

Mennirnir sem grunaðir eru um stórfellt gjaldeyrisbrask í gegnum félagið Aserta í Svíþjóð eru allir fyrrverandi starfsmenn Straums fjárfestingabanka og hafa allir búið í Bretlandi um skeið. Á blaðamannafundi sem nú stendur yfir kom fram að fjórir hefðu verið handteknir vegna málsins.

Aserta-málið: Málinu vísað frá

Gjaldeyrismáli sérstaks saksóknara gegn Karli Löve Jóhannssyni, Gísla Reynissyni, Markúsi Mána Michaelssyni Maute og Ólafi Sigmundssyni var vísað frá héraðsdómi í dag.

Kærir úrskurð Héraðsdóms í Aserta-málinu

"Við vorum ekki sammála niðurstöðu Héraðsdóms og höfum ákveðið að kæra til Hæstaréttar og fá úrskurð þar," segir Ólafur Þór Hauksson, sérstakur saksóknari.

Fjöldi mála ónýtur vegna ófullkominna reglna

“Löggjafinn ákveður hvaða háttsemi telst refsiverð en ekki einhverjar undirstofnanir útí bæ," segir Jón Þór Ólason, lektor í refsirétti við Háskóla Íslands.






Fleiri fréttir

Sjá meira


×