SUNNUDAGUR 29. MAÍ NÝJAST 06:00

Heldur Valur áfram ađ gera KR lífiđ leitt í Frostaskjóli?

SPORT

Alfređ átti ţátt í tveimur mörkum ţegar Augsburg og Leverkusen skildu jöfn

 
Fótbolti
16:14 05. MARS 2016
Alfređ og Koo náđu frábćrlega saman gegn Leverkusen.
Alfređ og Koo náđu frábćrlega saman gegn Leverkusen. VÍSIR/EPA
Ingvi Ţór Sćmundsson skrifar

Alfreð Finnbogason kom mikið við sögu þegar Augsburg gerði 3-3 jafntefli við  Bayer Leverkusen í þýsku 1. deildinni í dag. Augsburg komst í 3-0 en glutraði forystunni niður á klaufalegan hátt í seinni hálfleik.

Alfreð skoraði í síðasta heimaleik Augsburg, 2-2 jafntefli við Borussia Mönchengladbach, og hann átti stórgóðan leik í dag.

Suður-Kóreumaðurinn Ja-Cheol Koo skoraði öll þrjú mörk Augsburg í dag en Alfreð átti stóran þátt í tveimur þeirra.

Koo kom Augsburg yfir strax á 5. mínútu og bætti svo öðru marki við rétt fyrir hálfleik þegar hann fylgdi eftir skoti Alfreðs sem hafnaði í stönginni.

Íslenski landsliðsframherjinn var ekki hættur því á 57. mínútu lagði hann boltann fyrir Koo sem fullkomnaði þrennuna og sigurinn virtist í höfn.

Leverkusen-menn voru á öðru máli og Karim Bellarabi minnkaði muninn í 3-1 á 60. mínútu. Tuttugu mínútum síðar skoraði Paul Verhaegh sjálfsmark og hleypti þar með Leverkusen inn í leikinn fyrir alvöru.

Það var svo Hakan Calhanoglu sem skoraði jöfnunarmark Leverkusen úr vítaspyrnu í uppbótartíma eftir að Jeffrey Gouweleeuw handlék boltann innan vítateigs.

Alfreð og félagar eru í 14. sæti deildarinnar með 26 stig, þremur stigum frá fallsæti.

Úrslit dagsins:
Augsburg 3-3 Leverkusen
Stuttgart 5-1 Hoffenheim
Werder Bremen 4-1 Hannover
Wolfsburg 2-1 Mönchengladbach
Frankfurt 1-1 Ingolstadt
Köln 1-3 Schalke


  • Bein lýsing
  • Liđin
  • Tölfrćđi



Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Sport / Fótbolti / Alfređ átti ţátt í tveimur mörkum ţegar Augsburg og Leverkusen skildu jöfn
Fara efst