Albert bikarmeistari í Hollandi

Albert Guðmundsson varð í kvöld bikarmeistari yngri liða með liði sínu, SC Heerenveen, í Hollandi eftir sigur á AZ Alkmaar í vítaspyrnukeppni, 7-6.

Albert lék allan leikinn og skoraði úr sinni spyrnu í vítaspyrnukeppninni. Alexander Helgi Sigurðarson var í byrjunarliði AZ og Viktor Karl Einarsson var á meðal varamanna.

Albert samdi við Heerenveen sumarið 2013 eftir að hafa verið undir smásjá margra stórliða í Evrópu. Hann verður átján ára síðar í mánuðinum.