Sport

Ætlar að spila handleggsbrotinn í Super Bowl

Henry Birgir Gunnarsson skrifar
Davis með handlegginn í fatla eftir að hafa handleggsbrotnað.
Davis með handlegginn í fatla eftir að hafa handleggsbrotnað. vísir/getty
Þegar Super Bowl er annars vegar þá láta menn ekkert stoppa sig. Ekki einu sinni handleggsbrot.

Hinn frábæri varnarmaður Carolina Panthers, Thomas Davis, varð fyrir því óláni að handleggsbrotna í leik Carolina fyrir rúmri viku síðan er liðið tryggði sér þátttökuréttinn í Super Bowl-leiknum.

Hann fór í aðgerð á mánudeginum þar sem varð að setja í hann margar skrúfur enda illa brotinn. Þrátt fyrir það ætlar hann að spila í Super Bowl. Aðeins tveim vikum eftir að hann brotnaði.

„Ég er á mínu ellefta ári í deildinni og kannski fæ ég þetta tækifæri ekki aftur,“ sagði Davis á fjölmiðladeginum í gær.

Davis er algjör lykilmaður í vörn Panthers og hefur verið einn besti varnarmaður deildarinnar í vetur. Það verður áhugavert að sjá hvernig honum gengur handleggsbrotnum á sunnudag.

Super Bowl verður í beinni útsendingu á Stöð 2 Sport. Tryggðu þér áskrift á 365.is.

NFL



Fleiri fréttir

Sjá meira


×