AC Milan vann Roma

AC Milan situr í 7. sæti ítölsku deildarinnar með 44 stig eftir sigur gegn Roma í stórleik dagsins.

Leik Juventus og Atalanta var aflýst og því var þetta eini leikur kvöldsins.

Það var fátt um fína drætti í fyrri hálfleiknum en strax í byrjun seinni hálfleiksins skoraði Patrick Cutrone og kom AC Milan yfir.

Davide Calabria kom AC Milan síðan í 2-0 á 74. mínútu og það reyndust lokatölur leiksins.

Eftir leikinn er Roma í 5. sæti deildarinnar með 50 stig.