Innlent

„Það er verið að taka hænuskref í rétta átt“

Ingvar Þór Björnsson skrifar
Langt var á milli deiluaðila þegar fundur hófst klukkan fimm í dag.
Langt var á milli deiluaðila þegar fundur hófst klukkan fimm í dag. Vísir/Sigurjón
Óskar Einarsson, formaður Flugvirkjafélags Íslands, segir að það sé verið að taka hænuskref í rétta átt í kjaradeilum Flugvirkjafélags Íslands, Samtaka atvinnulífsins og Icelandair. Fundur hófst hjá Ríkissáttasemjara klukkan fimm í dag og stendur fundurinn enn yfir.

Óskar segist ekki geta sagt til um hvort fundað verði langt fram eftir nóttu eða hvort verkfallsaðgerðir haldi áfram á morgun. „Það er verið að taka hænuskref í rétt átt. Við reynum að gera það sem við getum til að gera stöðuna betri en hún er,“ segir Óskar en vill ekki gefa meira upp að svo stöddu.

Eins og komið hefur fram á Vísi í dag hófst verkfall flugvirkja hjá Icelandair klukkan sex í morgun eftir að upp úr slitnaði í viðræðum deiluaðila í nótt. Ennþá var langt á milli deiluaðila þegar fundur hófst klukkan fimm í dag.

Um tuttugu flugferðum félagsins var aflýst í dag og öðrum seinkað vegna verkfallsins.


Tengdar fréttir

Símkerfi Icelandair lá niðri vegna álags

Fjölmargir óánægðir farþegar hafa einnig látið í sér heyra í gegnum samfélagsmiðla félagsins en flugferðum hefur verið aflýst vegna verkfalls flugvirkja.

Svefnvana og gefa falleinkunn í krísustjórnun

Örtröð myndaðist við söluskrifstofu Icelandair á flugvellinum í Keflavík í dag en verkfall flugvirkja félagsins skall á klukkan sex í morgun. Fundur deiluaðila hófst klukkan fimm í dag en samningur var ekki í sjónmáli þegar síðasta fundi var slitið í nótt.




Fleiri fréttir

Sjá meira


×