Lífið

„Saga Belforts er víti til varnaðar“

Lilja Katrín Gunnarsdóttir skrifar
Jón Gunnar lofar að fólk fái mikið út úr komu Jordans þann 6. maí.
Jón Gunnar lofar að fólk fái mikið út úr komu Jordans þann 6. maí. Vísir/Stefán
„Útskýring á dýrara miðaverði á söluráðstefnu Jordans Belfort í Háskólabíói er einföld – þessi viðburður í Danmörku er bara fyrirlestur, ekkert annað, engin kennsla á sölutækni og enginn aðgangur að Jordan Belfort með spurningum,“ segir Jón Gunnar Geirdal. Hann stendur fyrir komu Jordans Belfort til Íslands þann 6. maí. Fréttablaðið skrifaði um það fyrir stuttu að talsvert dýrara væri á viðburðinn í Háskólabíó en fyrirlestur Jordans í Danmörku í september. Jón Gunnar segir ráðstefnuna á Íslandi vera íburðarmeiri en fyrirlesturinn í Danmörku.

„Ráðstefnan hér heima samanstendur af klukkutíma fyrirlestri, þriggja tíma Straight Line Persuasion-sölunámskeiði með spurt og svarað sem er einfaldlega dýrari útfærsla af því sem hann hefur upp á að bjóða. En þetta þýðir um leið að í Háskólabíói þennan dag fær fólk miklu meira út úr viðburðinum.“

Jón Gunnar hefur þurft að sæta talsverðri gagnrýni fyrir að flytja Jordan Belfort hingað til lands. Jordan er í daglegu tali kallaður Úlfurinn af Wall Street og fjallar verðlaunamyndin The Wolf of Wall Street um líf hans. Í myndinni sést hvernig Úlfurinn náði frægð með því að svíkja fé út úr saklausu fólki.

„Saga Belforts er víti til varnaðar um svikastarfsemi sem er látin óáreitt, en það er málefni sem hefur verið áberandi í umræðunni eftir hrunið 2008. Þrátt fyrir skuggalega fortíð Belforts er óumdeilanlegt að þeir sem starfa við áhættustýringu og sölumennsku, sama hver varan eða þjónustan er, geta mikið lært af viðskiptaviti, samskiptafærni, sölugetu og forystuhæfileikum hans, um leið og þeir forðast að falla í sömu gryfjur á framabrautinni,“ segir Jón Gunnar.


Tengdar fréttir

Miðar á úlfinn kosta 50 þúsund krónur

Jordan Belfort, einnig þekktur sem úlfurinn á Wall Street, mun halda sölufyrirlestur á Íslandi í maí. Miðarnir munu kosta á milli 39.900 og 49.900 krónur.

Búið að selja hundruð miða á Jordan Belfort

"Það eru fyrirtæki að kaupa miða, stórar söludeildir, háskólafólk og hinir og þessir úr hinum ýmsu geirum,“ segir Jón Gunnar Geirdal sem stendur fyrir komu Jordan Belfort til Íslands í maí.






Fleiri fréttir

Sjá meira


×