Enski boltinn

"Martial getur orðið frábær framherji“

Tómas Þór Þórðarson skrifar
Anthony Martial.
Anthony Martial. vísir/getty
Daley Blind, leikmaður Manchester United, trúir að liðsfélagi hans, Anthony Martial, verði einn besti framherji heims áður en fram líða stundir.

Martial kom til Manchester United frá Mónakó í september og mun kosta í heildina 50 milljónir punda með árangurstengdum greiðslum.

Hann skoraði í fyrsta leiknum sínum á móti Liverpool og er í heildina búinn að skora átta mörk í 27 leikjum fyrir United.

„Það var vel gert hjá honum að skora í sínum fyrsta leik með þetta kaupverð á bakinu,“ segir Daley Blind í viðtali á heimasíðu Manchester United.

„Hann er virkilega hæfileikaríkur. En hann er líka ungur og því má ekki gleyma. Við sjáum það samt á æfingasvæðinu og í leikjum hversu mikill gæðaleikmaður hann er.“

„Ef hann heldur áfram að leggja jafn hart að sér og hann gerir núna og bætir sig í hverri viku getur hann orðið frábær framherji,“ segir Daley Blind.


Tengdar fréttir

David Gill: Verðum að halda ró okkar

David Gill, fyrrum stjórnarformaður Manchester United, segir að stuðningsmenn verði að halda ró sinni þrátt fyrir að gengi liðsins sé langt undir væntingum.




Fleiri fréttir

Sjá meira


×