Fótbolti

Kristinn með mark og Guðjón stoðsendingu í útisigri Halmstad

Óskar Ófeigur Jónsson skrifar
Kristinn Steindórsson og Guðjón Baldvinsson.
Kristinn Steindórsson og Guðjón Baldvinsson.
Kristinn Steindórsson skoraði eitt marka Halmstad í 4-1 stórsigri á Helsingborgs IF í Íslendingaslag í sænsku úrvalsdeildinni í fótbolta í kvöld.

Kristinn Steindórsson skoraði fyrsta mark leiksins á 26. mínútu og Guðjón Baldvinsson lagði síðan upp fjórða og síðasta mark liðsins eftir að hafa komið inná sem varamaður.

Arnór Smárason kom inná sem varamaður hjá Helsingborg á 66. mínútu leiksins en þá var staðan orðin 3-1 fyrir Halmstad-liðið.

Þetta var sjötti sigur Halmstad í síðustu átta leikjum liðsins í sænsku úrvalsdeildinni en liðið hefur aðeins tapað einu sinni frá 20. júlí.

Halmstad tók 9. sætið af Helsingborg með þessum sigri og hefur náð að forðast mestu fallbaráttuna með þessum frábæra gengi liðsins að undanförnu.




Fleiri fréttir

Sjá meira


×