SUNNUDAGUR 4. DESEMBER NÝJAST 22:24

Eiđur Smári býđst til ađ spila međ Chapecoense

SPORT

„Fólk lćtur eins og mökkur og milljónir flóttamanna sé ađ koma hingađ“

 
Innlent
22:10 20. JANÚAR 2016
Magnús Ţorkelsson
Magnús Ţorkelsson

„Ég set eftirfarandi texta fram - ekki sem embættismaður heldur sem mannvera,“ skrifar Magnús Þorkelsson, skólameistari Flensborgarskólans í Hafnarfirði, í upphafi færslu á Facebook-síðu sinni. Tilefni færslunnar er að fyrir skemmstu fékk albönsk fjölskylda þær fréttir að vísa ætti henni úr landi en stúlka úr fjölskyldunni er nemandi við skólann.

„Faðir stúlkunnar kom ásamt henni á miðri síðustu önn til að reyna að útvega henni pláss hjá okkur um áramótin. Við ákváðum að taka hana strax inn til að hjálpa henni að aðlagast og mynda tengslanet. Þrátt fyrir að hafa aðeins verið hér hálfa önnina þá lauk hún öllum áföngum og í sumum þeirra var hún afar nálægt því að fá tíu í einkunn,“ segir Magnús í samtali við Vísi og tekur fram að hann hafi leyfi fjölskyldunnar til að ræða hagi hennar.

Á önninni sem hófst á nýja árinu hafi hingað til verið svipað upp á teningnum. Stúlkan sýnir afburða námshæfileika þrátt fyrir að öll kennsla fari fram á íslensku. „Eins og aðrir erlendir nemendur þá fær hún sérstakan stuðning og hún hefur aðlagast mjög vel. Fyrir skemmstu las hún upp úr íslenskri bók og það mátti vart heyra á framburðinum að hún hefði alist upp í öðru landi. Ég efast að vísu upp að hún hafi skilið öll orðin en þetta er engu að síður frábær árangur,“ segir Magnús.

Stúlkan hafði lokið tveimur árum af þremur úti í Albaníu áður en hún kom hingað. Haldi hún sig við efnið ætti hún að hefja háskólanám í haust. Það verður að teljast líklegt að skólaárið núna sé farið forgörðum. Foreldrar hennar eru báðir menntaðir kennarar. Móðurinni stóð til boða vinna á leikskóla hér á landi og faðirinn er grunnskólakennari. 

Börn þeirra eru fjögur. Elsta stúlkan varð eftir í Albaníu þar sem hún stundar háskólanám. Auk systranna eiga þau tvo drengi og stundar annar þeirra nám við Lækjaskóla í Hafnarfirði. 


Stendur menningu okkar ógn af einu prómíli?
Í stöðuuppfærslu Magnúsar vekur hann athygli á því að í fyrra hafi átt sér stað fordæmalaus fjölgun flóttamanna hér á landi. Samkvæmt Útlendingastofnun fjölgaði umsóknum um hæli hér á landi úr 176 á árinu 2014 í 354. „Þessir þrjú hundruð fimmtíu og fjórir eru eitt prómill (einn þúsundasti) af þeim sem hér búa. Samanlagður hópurinn frá 2009 nær ekki þúsund manns sem eru 0,3% þjóðarinnar.“

„Það komu 108 Albanir hingað á síðasta ári. Það var virðingarvert þegar fjölskyldunum tveimur, sem fluttar voru úr landi í skjóli nætur, var leyft að koma hingað aftur. En á sama tíma sat þessi fjölskylda, og aðrar, í nákvæmlega sömu stöðu og þau. Hvers vegna voru hinar teknar út fyrir sviga?“ spyr Magnús í samtali við Vísi. „Fólk lætur eins og mökkur og milljónir flóttamanna sé að koma hingað en svo er ekki.“

Magnús telur að fólkið þurfi að líða fyrir það að hafa fyllt út vitlaust eyðublað hjá Útlendingastofnun. „Mér skilst að hefðu þau sótt um dvalar- eða atvinnuleyfi þá hefði það líklegast gengið en af því þau sóttu um hæli þá verði þau frá að hverfa. Fólkinu sem vinnur hjá Útlendingastofnun hlýtur að vera vorkunn að þurfa að vinna eftir þessu kerfi.“

„Á þessari öld hafa mun fleiri Íslendingar flutt úr landi en aftur heim. Munar þar um 10 þúsund manns. Frá 1961 hafa um 30 þúsund fleiri Íslendingar flutt héðan en erlent fólk hingað. Veitir okkur nokkuð af að fá fólk til landsins? Ef Íslendingar villja ekki búa hér – hvers vegna ekki að fagna vel menntuðu erlendu fólki? Eða stendur okkur og menningu okkar ógn af einu prómilli íbúa landsins? Fólki sem vill búa hér, menntast hér og leggja okkur lið?“ segir í niðurlagi stöðuuppfærslu Magnúsar.


Var ađ fá ţćr fréttir ađ vísa ćtti úr landi fjölskyldu frá Albaníu. Ein úr ţeirri fjölskyldu er nemandi okkar í...

Posted by Magnús Ţorkelsson on Wednesday, 20 January 2016
Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / „Fólk lćtur eins og mökkur og milljónir flóttamanna sé ađ koma hingađ“
Fara efst