„Ferđasjúki barţjónninn“ í varđhaldi ţar til dómur fellur í Hćstarétti

 
Innlent
20:00 09. FEBRÚAR 2016
Rúm átta ár eru síđan Fokin hlaut fjögurra mánađa fangelsisdóm fyrir ađ hafa svikiđ tćpa milljón út úr Icelandair.
Rúm átta ár eru síđan Fokin hlaut fjögurra mánađa fangelsisdóm fyrir ađ hafa svikiđ tćpa milljón út úr Icelandair. VÍSIR/GVA

Eistneska ríkisborgaranum Konstantin Deniss Fokin, sem hlaut í síðasta mánuði hálfs árs fangelsisdóm fyrir fjársvik við Héraðsdóm Reykjaness, hefur verið gert að sæta gæsluvarðhaldi þar til dómur fellur í máli hans í Hæstarétti. Hann mun þó ekki sæta varðhaldi lengur en til 31. mars næstkomandi.

Fokin hlaut dóm fyrir að hafa svikið út farmiða í flug á vegum Icelandair fyrir um 327 þúsund íslenskar krónur í júlí í fyrra. Rannsókn á öðrum meintum brotum Fokin stendur enn yfir en í því máli er honum meðal annars gert að sök að hafa svikið mikið magn útivistarfatnaðar úr verslunum á meðan hann sætti farbanni hér á landi vegna rannsóknar fjársvikamálsins.

Hæstiréttur staðfesti gæsluvarðhaldið yfir Fokin í dag. Í úrskurði Héraðsdóms Reykjaness frá því á föstudag segir að nauðsynlegt þyki að hann sæti áfram varðhaldi þar til dómur fellur í Hæstarétti, meðal annars þar sem hann hafi engin tengsl við nokkurn mann hér á landi. Af þeim sökum telji lögregla hættu á að hann muni reyna að komast úr landi gangi hann laus.

Fokin hefur áður hlotið dóma hér á landi, í heimalandi sínu og í öðrum Evrópuríkjum. Rúm átta ár eru síðan Fokin, sem nefndur var „ferðasjúki barþjónninn“ í umfjöllun Vísis árið 2007, hlaut fjögurra mánaða fangelsisdóm fyrir að hafa svikið tæpa milljón út úr Icelandair. Bókaði hann þá flugmiða á netinu með stolnum greiðslukortanúmerum sem hann komst yfir við störf á bar í London.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / „Ferđasjúki barţjónninn“ í varđhaldi ţar til dómur fellur í Hćstarétti
Fara efst