SUNNUDAGUR 29. MAÍ NÝJAST 11:30

Markvörđur Stjörnunnar hjálpađi Jamaíku ađ vinna Síle

SPORT

„Erfiđasta ákvörđun sem ég hef tekiđ“

 
Innlent
20:30 20. JANÚAR 2016
Jóna međ Hrefnu Maríu Jónudóttur. Ţessa mynd birti Jóna í Góđa systir.
Jóna međ Hrefnu Maríu Jónudóttur. Ţessa mynd birti Jóna í Góđa systir.

Mikla athygli vakti í dag og í gær þegar Jóna María Gerðudóttir birti mynd af sér og fóstri sínu eftir fóstureyðingu í Facebook hópnum Góða systir. Jóna er 18 ára og fyrrverandi sprautufíkill. Hún tók þá ákvörðun upprunalega að eiga barnið og segir það hafa verið mjög erfiða ákvörðun.

Þegar í ljós kom að dóttir hennar, Hrefna María Jónudóttir, væri með Downs-heilkenni tók hún erfiðustu ákvörðun lífs síns. 

Jóna varð fyrir nokkurri gagnrýni vegna birtingarinnar en stuðningsyfirlýsingar voru þó mun fleiri. Þrátt fyrir að færsla Jónu hafi verið tekin út á umræðan sér áfram stað í hópnum, en rúmlega 51 þúsund konur eru í Góða systir.

„Þetta er erfiðasta ákvörðun sem ég hef tekið og ég veit að fólk á eftir að setja mikið út á þetta. Það var mikið sjokk að frétta að barnið hefði greinst með Downs heilkenni,“ segir Jóna í samtali við Vísi. „Ég veit að margir eiga eftir að setja út á mig og segja að þetta sé mér að kenna af því að ég er fyrrverandi fíkill. Ég var þó edrú alla meðgönguna og hef verið það síðan.“

Jóna segir það fáránlegt að fólk segi að þetta sé henni að kenna.

„Mér finnst það ógeðslega sárt þar sem ég var að biðja um stuðning inn á þessari síðu. Það er alltaf eitthvað fólk inn á milli sem er eitthvað illa innrætt,“ segir Jóna. „Ég birti mynd af dóttur minni í gær og vildi vekja athygli á því hvað hún væri ótrúlega falleg miðað við hvað hún væri lítil. Hún var sextíu grömm. Alveg pínulítil og gullfalleg. Ég vildi sýna fólki því ég er stolt af því að eiga litla englastelpu.“ 

„Það kom kona sem sagði að ég ætti að taka ábyrgð á mínu kynlífi og að ég ætti að taka afleiðingunum.“ Önnur kona bað um að myndin væri fjarlægð þar sem henni þætti þetta óviðeigandi. Aðrar konur hefðu lent í því sama.

Færslan var fjarlægð, en Jóna segist hafa átt eftir að lesa mjög mörg falleg komment. Þórunn Antonía, sem stýrir hópnum, bað Jónu afsökunar.

„Þessi síða, Góða systir, er gerð fyrir konur. Við erum konur og þær ganga í gegnum svona hluti. Það má búast við öllu ef þú ert inn á svona síðum. Þarna er hægt fá styrk til að ganga í gegnum ýmislegt svona.“

Þrátt fyrir að Jóna hafi búist við neikvæðni var hún viss um að það yrði ekki mikið, þar sem um mjög viðkvæmt mál var að ræða.

„Ég er rosalega stolt af sjálfri mér. Ég er fyrrverandi sprautufíkill og er enn edrú. Þrátt fyrir að hafa misst barnið mitt. Ég ætla að halda áfram að vera edrú, sama í gegnum hvað ég geng.“

„Það vill enginn taka ákvörðun um að enda meðgönguna. Þetta var bara eitthvað sem ég þurfti að gera. Ég var að hugsa um barnið mitt. Það geta fylgt alls konar fylgikvillar og hún hefði kannski getað fæðst með hjartagalla. Ég er óvirkur fíkill og það var nógu erfitt að taka ákvörðunina að eiga barnið. Síðan kemur þetta í ljós og það var erfið ákvörðun,“ segir Jóna.

„Mér fannst fyrst eins og ég væri að drepa barnið mitt.“

„Ég óska engum að þurfa að ganga í gegnum það að missa barn. Ég veit að fólk á eftir að setja út á þetta en þetta var mjög erfið ákvörðun og ekki ákvörðun sem að móðir myndi vilja taka.“


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / „Erfiđasta ákvörđun sem ég hef tekiđ“
Fara efst