Handbolti

Elías Már aftur í Hauka

Óskar Ófeigur Jónsson skrifar
Elías Már Halldórsson.
Elías Már Halldórsson. Vísir/Daníel
Elías Már Halldórsson hefur gert eins og hálfs árs samning við Hauka og mun byrja að spila með liðinu þegar keppni hefst á ný í Olís-deild karla eftir HM í Katar.

Elías Már gekk til liðs við Akureyri fyrir þetta tímabil en ákvað að flytja aftur suður. Hann skoraði 42 mörk í 15 leikjum með norðanliðinu.

Samningur Elías og Hauka er til vorsins 2016. "Það er fagnaðarefni að fá Elías Má aftur í raðir Hauka og mun hann án efa styrkja liðið í þeirri baráttu sem framundan er," segir í Fréttatilkynningu frá Haukum.

Elías Már var einn af markahæstu mönnum Hauka á síðasta tímabili þegar hann skoraði 76 mörk í 19 leikjum en hann varð Íslandsmeistari með Haukum þegar félagið vann titilinn síðast vorið 2010.








Fleiri fréttir

Sjá meira


×