MÁNUDAGUR 29. ÁGÚST NÝJAST 23:30

Um 6500 flóttamönnum bjargađ undan ströndum Líbíu

FRÉTTIR

„Ef mađur myndi tala viđ vinkonu sína eins og mađur gerir viđ sjálfan sig ţá ćttir mađur enga vini“

 
Lífiđ
11:30 10. FEBRÚAR 2016
Virkilega flottar stelpur hér á ferđinni.
Virkilega flottar stelpur hér á ferđinni. VÍSIR

Könnun  sem Dove framkvæmdi á Íslandi í fyrra sýndi að tvær þriðju af íslenskum konum á aldrinum 18 til 25 ára segja að áhyggjur af útliti og líkamsvexti hafi áhrif á sjálfstraust þeirra í daglegu lífi. Þróun sem er áhyggjuefni og brýnt að skoða.

Í viðleitni til þess að efla líkamsmynd ungra kvenna á Íslandi hefur stúlkum í framhaldsskólum víðs vegar um landið verið boðið ókeypis á líkamsmyndarnámskeið frá því haust og verður því haldið áfram á þessu ári. Námskeiðið kallast The Body Project og þar eru þátttakendum kenndar ýmsar æfingar til að efla eigin líkamsmynd og sjálfstraust.

Námskeiðin miða að því að efla gagnrýna hugsun gagnvart ríkjandi útlitsviðmiðum og auka sátt við eigin líkamsvöxt. Í myndbandinu sem fylgir fréttinni er rætt við fimm ungar stúlkur sem segja frá þeim þrýstingi sem þær upplifa um fullkomið útlit og líkamsvöxt og deila reynslu sinni af námskeiðinu. Body Project námskeiðin hafa verið rannsökuð bæði hér á landi og erlendis og hafa reynst hafa jákvæð áhrif á líkamsmynd stúlkna og dregið marktækt úr átröskunartilfellum.
 


Það er því hægt að segja að The Body Project sé mikilvægt lóð á vogarskálarnar í þeirri baráttu að efla líkamsmynd ungra kvenna og fyrirtæki hafa enn fremur stutt við verkefnið á Íslandi svo búa megi betur í haginn fyrir komandi kynslóðir. Dove á Íslandi hefur til dæmis látið átta krónur af hverri seldri vöru renna beint til The Body Project á Íslandi og því hefur verið hægt að bjóða ungum konum í íslenskum framhaldsskólum upp á líkamsmyndarnámskeið endurgjaldslaust.

„Við erum þegar búnar að bjóða námskeið í öllum framhaldsskólum á höfuðborgarsvæðinu. Núna eftir áramótin erum við að færa okkur út á land og förum í tíu framhaldsskóla á landsbyggðinni fram á vor”, segir Sigrún Daníelsdóttir sálfræðingur sem stýrir verkefninu.

„Við höfum verið í sambandi við námsráðgjafa skólanna og bendum stúlkum á að snúa sér til þeirra varðandi skráningu.“

Hægt að lesa nánar um námskeiðin á Facebook.


Fjallađ var um máliđ í ţćttinum Ísland í dag í gćrkvöldi og má sjá innslagiđ hér ađ neđan

Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ

TAROT DAGSINS

Dragđu spil og sjáđu hvađa spádóm ţađ geymir.
Forsíđa / Lífiđ / Lífiđ / „Ef mađur myndi tala viđ vinkonu sína eins og mađur gerir viđ sjálfan sig ţá ćttir mađur enga vini“
Fara efst