„Algjört dómgreindarleysi“ ađ henda fjórtán ára stúlku úr strćtó

 
Innlent
15:04 18. FEBRÚAR 2016
Jóhannes S. Rúnarsson, forstjóri Strćtó.
Jóhannes S. Rúnarsson, forstjóri Strćtó. FRÉTTABLAĐIĐ/ANTON BRINK

Framkvæmdastjóri Strætó segir bílstjóra á vegum fyrirtækisins hafa sýnt algjört dómgreindarleysi í gærkvöldi. Þá var fjórtán ára stúlku vísað úr strætisvagni á leið frá Eyrarbakka til Selfoss. Móðir stúlkunnar, Sædís Ósk Harðardóttir, lýsir því hvernig hún hafi fengið símtal frá dóttur sinni, hágrátandi standandi úti á miðjum þjóðvegi.

„Mér finnst það grafalvarlegt að henda 14 ára barni út úr strætó á miðjum þjóðvegi. Sama hver ástæðan er þá er það algjörlega ólíðandi. Séu krakkar með læti í vagninum á að tala við þau á áfangastað, jafnvel banna þeim að koma með einhverjar ferðir, hafa samband heim og ef þau láta engan veginn segjast þá bara hringja eftir aðstoð en ekki rekar börn út á þjóðveginn hvort sem er í myrkri, þoku, hálku og snjó eða bara um hábjartan dag.“

Ţađ er ekki oft sem ég reiđist eđa ćsi mig, en í kvöld gerđist atvik sem gerđi ţađ ađ verkum ađ ég varđ mjög reiđ.Dó...

Posted by Sćdís Ósk Harđardóttir on Wednesday, February 17, 2016

Sædís Ósk lýsir því þannig að dóttir hennar hafi verið að færa sig á milli sæta þegar vagninn hafi verið stöðvaður og dótturinni vísað frá.

Bílstjórinn Guðmundur Birgir Pálsson segir í samtali við DV að hann hafi varað stúlkuna við fyrr í vikunni þegar hún færði sig á milli sætanna. Landslög segja að börn innan 15 ára eigi að vera í belti í strætó.

Hann hafi sagt stúlkunni að sitja sem fastast í gærkvöldi en fengið puttann framan í sig.

„Þá tók ég ákvörðun í gærkvöldi að ef þetta skeði aftur myndi ég henda þeim út,“ segir Guðmundur Birgir við DV. Hann viðurkennir að mögulega hafi verið um fljótfærni að ræða af sér.

Þegar Vísir náði í Guðmund Birgi sagðist hann ekki mega vera að því að ræða við fréttamann.


Umrćddur strćtó gengur á milli Eyrarbakka til Selfoss.
Umrćddur strćtó gengur á milli Eyrarbakka til Selfoss. VÍSIR/GVA

Þú setur aldrei farþega út á víðavangi
Jóhannes Svavar Rúnarsson, framkvæmdastjóri Strætó, segir Guðmund hafa sýnt algjört dómgreindarleysi í gærkvöldi. Hann hafi fengið skýringar frá honum en erfitt sé að ræða það. Tvær hliðar séu á öllum peningum.

„En burtséð frá því hvað gerðist þá er þetta eitthvað sem á ekki að gera,“ segir Jóhannes. „Þú setur ekki farþega út á víðavangi þó þú sért eitthvað ósáttur við hann.“

Jóhannes segist hafa beðið Sædísi, móður stúlkunnar, afsökunar símleiðis á morgun. Svona atvik eigi auðvitað ekki að koma upp og því eigi ekki að þurfa að taka svoleiðis símtöl.

Þá bætir Jóhannes við að hann hafi komið þeim skilaboðum til þeirra sem hafi umsjón með akstri Strætó á landsbyggðinni að ítreka að svona endurtaki sig ekki.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / „Algjört dómgreindarleysi“ ađ henda fjórtán ára stúlku úr strćtó
Fara efst